a
 |
२३ मंसिर, काठमाडौं । क्रिष्टियानो रोनाल्डोले माल्मोविरुद्ध चार गोलको मदतमा रियल मड्रिडले च्याम्पियन्स लिग फुटबलको समूह चरणमा अहिलेसम्मकै फराकिलो जित हात परेको छ ।
मंगलबार राति भएको एकपक्षीय खेलमा रियल मडि्रडले गोलको वर्षा गर्यो र माल्मोलाई ८-० ले पराजित गरेको हो । रियलको जितमा करिम बेन्जिमाले हृयाट्रिक गरे ।
खेलमा रियल मडि्रडले १२ औं मिनेटमा बेन्जिमाको गोलबाट अग्रता लिएको थियो । २४ औं मिनेटमा उनले नै अग्रता दोब्बर पारे ।३९ औं मिनेटमा रोनाल्डोले गोल गर्दै पहिलो हाफमा रियल मड्रिडलाई ३-० को अग्रता दिलाएका छन् ।दोस्रो हाफको ४७ औं मिनेटमा दोस्रो गोल गरेका रोनाल्डोले ५० औं मिनेटमा हृयाट्रिक पुरा गरे ।
५८ औं मिनेटमा रोनाल्डोले चौथो गोल गरे । यससँगै च्याम्पियन्स लिगको समूह चरणमा रोनाल्डोको गोल ११ पुगेको छ र समूह चरणमा दोहोरो अंकको गोल गर्ने पहिलो खेलाडी बनेका छन् ।खेलको ७० को मिनेटमा कोभाकिकले गोल गरे भने ७४ औं मिनेटमा बेन्जिमाले हृयाट्रिक पुरा गरे ।जितसँगै रियल मड्रिड समूह एको विजेता बनेको छ भने पेरिस सेन्ज जर्मेन उपविजेता बनेको छ ।
a
|
0 comments:
Post a Comment