a
 |
चारदिने चितवन बन्द आह्वान , आम हड्तालमा झड्प हेर्नुहोस ताजा खबर भिडियो सहित
थारु कल्याणकारिणी सभा चितवनले आह्वान गरेको चारदिने चितवन बन्द सहितको आम हड्तालमा झड्प भएको छ । बन्दकर्ता र बन्द खुलाउन माग गर्दैआएका केही युवाहरुबीच झड्प भएको हो । बन्द खुलाउन माग गर्र्दै पुलचोक पुगेको युवा र आन्दोलन सफल बनाउन बसेका थारुबीच झड्प भएको हो । व्यवसायि भएको बताउने ती युवाहरु व्यवसायि नभएर, शान्तिपूर्ण आन्दोलनलाई हिंसात्मक बनाउने योजनाका साथ आएका थारुकल्याणकारिणी सभा चितवनका सभापति विश्राम महतोले बताए । पुलचोक क्षेत्रमा अहिलेपनि बेला – बेला झडप भइरहेको छ । सो क्षेत्रमा सुरक्षा अवस्था कडा पारिएको छ ।चार दिने चितवन बन्दको पहिलो दिन आज विहानैदेखि चितवनको जनजीवन प्रभावित बनेको छ । आज विहानैदेखि चितवनमा स्थानीय तथा लामो दुरीका सवारी साधनहरु संचालनमा आउन सकेका छैनन् । बन्दले कलकारखाना, बजार, शैक्षिक संस्थाहरु समेत ठप्प बनेका छन् । चितवनका थारु समुदायहरुले चितवनलाई प्रादेशिक राजधानी बनाउनुपर्ने, विगतमा भएका थारुहरुसंगको सम्झौता कार्यान्वयन गर्नुपर्ने लगायतका माग राख्दै चितवनका थारु समुदायहरु आन्दोलित बनेका हुन् । थारु कल्याणकारिणी सभा चितवनका सभापति विश्राम महतोले आज चितवनमा शान्तिपूर्ण रुपमा बन्द गराइएको बताए । थारु कल्याकारिणी सभाको पूर्व घोषित कार्यक्रम अन्तर्गत चितवन बन्द आह्वान गरिएको हो ।
a
|
0 comments:
Post a Comment