a
 |
काठमाडौं, भदौ ८ । नेपाली कांग्रेसका वरिष्ठ नेता शेरबहादुर देउवाले आफू सधैं थारु समुदायको हक, अधिकारको पक्षमा लड्दै आएको बताएका छन् ।मंगलबार बुढानीलकन्ठस्थित आफ्नै निवासमा पत्रकार सम्मेलन गरी उनले विगतमा पनि आफूले थारुहरुको अधिकारका लागि लडेको स्मरण गर्दै अब पनि थारु समुदायलाई विशेष अधिकार दिलाउन कोसिस गर्ने बताए ।थारु नेताहरुसहितपत्रकार सम्मेलन उपस्थित भएका पूर्वप्रधानमन्त्री देउवाले कैलाली टुक्र्याउन नहुने र विशेष अधिकार दिएर थारु समुदायलाई मूलधारमा ल्याउनुपर्ने बताए ।टीकापुर घटनापछि आफूविरुद्ध केही व्यक्तिहरुले नियोजित प्रचार गरेको भन्दै देउवाले एकीकृत माओवादीका नेता डा. बाबुराम भट्टराईले टीकापुरको घटना भड्काएको आरोप लगाए ।संवैधानिक–राजनीतिक संवाद तथा सहमति समितिका सभापतिसमेत रहेका भट्टराईले तल्लोस्तरको अभिव्यक्ति दिने र आफूलाईसमेत अपमान गर्ने काम गरेको देउवाले बताए ।संवाद समितिले प्रतिवेदन मस्यौदा समितिलाई बुझाएपछि भट्टराईले थारु आन्दोलनलाई समर्थन रहेको बताएका थिए भने शेरबहादुर देउवालगायतका नेताहरुविरुद्ध सामाजिक सन्जालबाट अभिव्यक्ति दिएका थिए ।
a
|
0 comments:
Post a Comment