a
 |
यहाँको पश्चिम बरंजाबाट सदरमुकाम बेनीतर्फ आइरहेको ग१ख ५३६६ नम्बरको मिनी माइक्रोबस शनिवार बेनी–१३ थामडाँडाबाट तल भीरमा खस्दा दुई बालकसमेत तीन जनाको घटनास्थलमै मृत्यु भएको छ ।
दुर्घटनामा मृत्यु हुनेमा स्थानीय ६ वर्षीय दीपजल पुन, ९ वर्षीय सुमेन थापा र बरंजा गाविस–९ की २० वर्षीया रमिला पुन भएको जिल्ला प्रहरी कार्यालय म्याग्दीले जनाएको छ । प्रहरीका अनुसार बसमा सवार चालकसहित ३६ जना घाइते छन । यिनमा ६ जनाको जिल्ला अस्पताल बेनीमा उपचार भइरहेको छ भने २७ जनालाई पोखरास्थित मणीपाल शिक्षण अस्पताल पठाइएको छ ।
साँघुरो घुम्ती भएको कच्ची सडकमा बस गति अनियन्त्रित भई सडकदेखि करिब सय मिटर तल रुखविरुवा भाँच्दै झरेको जिल्ला ट्राफिकले जनाएको छ ।
a
|
0 comments:
Post a Comment