a
 |
यससँगै अब ३ लाख ७४ हजार ३ लिटर पेट्रोल चीनको केरुङबाट ल्याउन बाँकी छ । चीनले अनुदानमा दिएको एक हजार मेट्रिकटन पेट्रोलियम पदार्थ दिने घोषणा गरेको थियो । आइतबार एक दिनमै २७ वटा ट्यांकरले २ लाख ४८ हजार लिटर रसुवागढी नाकाबाट भित्र्याएका थिए । हालसम्म जम्मा ९७ वटा ट्यांकर पेट्रोलियम पदार्थ ओसारिसकेका छन् । नेपाली ट्यांकरले चिनीयाँ दूतावासबाट चालक, सहचालक र ट्यांकर नम्बर चीनको केरुङ छिर्ने अनुमति दिएपछि ती ट्यांकरले नेपाल आयल निगम मार्फत पेट्रोलियम पदार्थ ल्याएका हुन् । ल्याइएका पेट्रोलियम पदार्थ युरो स्ट्यान्र्ड चार रहेको आयल निगमले जनाएको छ । तिहारपछि निगमले एकै लटमा सबै इन्धन नेपाल भित्र्याउने छ ।
दुई दिन लगाएर ल्हासा हुँदै चीनले केरुङ पेट्रोल ल्याएको हो । मधेस आन्दोलनले पेट्रोलियम पदार्थ नेपाल भित्र्न सहज नभएपछि निगमले इन्धन खरिद सम्झौता गरेर चीनबाट पेट्रोलियम पदार्थ ल्याउने तयारी गरेको छ । चीनबाट यसरी पेट्रोलियम पदार्थ ल्याएको पहिलो हो । केही स्थानमा सडक साँघुरो भएकाले १२ हजार लिटर क्षमता भएको नेपाली ट्याङकरले ७ देखि ९ हजार लिटरका दरले पेट्रोल ढुवानी गरिहेका छन् । उक्त अनुदानको पेट्रोलियम पदार्थ ल्याउादा रसुवा भन्सारलाई नेपाल आयल निगमले तिर्नुपर्ने ३ करोड ६४ लाख रुपैयाँ राजश्व जनता बैंक मार्फत ड्राफ्ट गरेर पठाई भन्सार जाँच पास गरि पेट्रोल काठमाडौं पठाइएको हो ।
a
|
0 comments:
Post a Comment